محمية البلو هول - دهب ❤
دى تعتبر المزار الأول والأشهر والأهم بمدينة دهب بالنسبة للمكان بشكل عام كمزار سياحي فهو عبارة عن محمية طبيعية فيها عدد من المطاعم والكافيهات المطلة مباشرة علي البحر وتحديدا علي الثقب الازرق نفسه واللي سميت المحمية كلها بالأسم دا نسبة ليه ، والمكان عبارة عن قعدات بدوية بسيطة بدورين لاستضافة الزوار وتقديم الماكولات والمشروبات بالمحمية ، هناك المكان الأفضل تقريباً في دهب لعمل سنوركليج ودايفنج ، لكن الدايفنج هناك بيكون فقط للغواصين الحاصلين علي شهادات غطس موثقة لخطورة الغطس هناك ، وبتعتبر المحمية هي أولي محطات اشهر رحلة فى دهب وهى (بلوهول _ أبوجالوم _ وبلو لاجون ) بيزور محمية البلوهول السياح الأجانب والمصريين من رحلات اليوم الواحد اللي بتيجي من شرم الشيخ بشكل يومي طوال ايام السنة بالإضافة لزوار مدينة دهب ..
إيه هو البلوهول وليه ملقب بمقبرة الغطاسين 👇
معلومات أكثر عن مقبره الغواصين أو الثفب الأزرق أخطر مناطق الغطس فى العالم ..
Blue Hole .. Dahab ...egypt
هو كهف فى قلب البحر بعمق 130 متر فأكثر ودا اللي سمي علييه المكان بالكامل ..
عن تكوينها في رأيين :
الرأي الأول بيقول إنها تكونت في العصر الجليدي نتيجة ذوبان الجليد و أصبحت حفره عباره عن مخرات سيول ..
والرأي التاني بيقول أنها تكونت في زمن قديم نتيجه إصطدام مذنب "شهاب" بالأرض ...
و يرجح علماء الجيولوجيا المصريين الرأي الثاني عشان لو إتكونت من مخرات السيول كان بقي في ميت ثقب أزرق في المنطقه ...
واشتهرت عالما بمقبرة الغواصين ، لأن كثير من الغواصين من عشاق المتعة والمغامرين المحترفين أصبحوا ضحايا التحدي والاكتشاف بداخله ومعمول لهم نصب تذكاري تخليدا بأسمائهم في البلو هول ..