محمية أبو جالوم :
ودي بعد محمية بلو هول مباشرة ، لكن لها طابع خاص جداااً ودا اللي خلاها محط زيارة الكثيرين من زوار دهب وإشتهرت المحمية بنسبة كبيرة جداً تحديداً أخر سنتين عن السنين اللي قبل كدا لطبيعتها البسيطة والمريحة نفسياً واللي ضاعفت عدد زورارها 500% تقريباً ودا كان ضمن أحد أسباب إرتفاع أسعارها وكمان كونها مزار مناسب للجميع ، أول مميزات المحمية هو طريقة الوصول ليها واللي من خلال طريقين بس أولهم والأشهر والأرخص والأسرع والأسهل وكمان الأمتع واللي بيفضله الكثيرين هو المركب ودا بياخد وقت من 10: 20 دقيقة علي حسب الطقس وإرتفاع الأمواج ، ودا أمان جداً رغم إنه مخيف لدي البعض خصوصاً إن سواقين المراكب دي أغلبهم شباب صغير فى السن إلا إنهم مدربين ومحترفين ، الطريق الثاني هو البرى بمحاذاة الشاطئ ، ودا تقدر تروحه مع مشي مع الجايد أو بالجمال وكمان وسيلة أخرى غير مشهورة لإرتفاع سعرها وهي الخيل ودي الوسيلة الأغلي بالإضافة إلى إنها بتحتاج أشخاص مدربين علي ركوب الخيل لوعر الطريق ، أول مابتوصل المحمية بتشوف الكامبات في منظر بسيط وجميل جداً ، عبارة عن مخيمات بيتكون كل مخيم من مجموعة غرف بسيطة مصنوعة من الخشب وجريد النخيل والبوص ودي بيستقلها الأشخاص للمبيت ليوم أو أكثر ولكل مخيم كافتيريا للجلوس علي الطراز البدوي البسيط ومطبخ لتلبية إحتياجات الزوار سواء المقيمين لأيام أو زورا رحلات اليوم الواحد ، وبتصنف محمية أبو جالوم من الشواطئ الأفضل في دهب لعمل الإسنوركلينج والدايفنج والتأمل والإستجمام .